Paşinyan: Azərbaycanla anklav və eksklav məsələsinin həlli üçün iki variant var
Ermənistanın Baş naziri Nikol Paşinyan Azərbaycanla anklav və eksklav məsələsinin həlli üçün iki mümkün variantın nəzərdən keçirildiyini bildirib.
TodayPress TV xəbər verir ki, Paşinyan bu barədə brifinqdə danışıb.
"Birinci variant ondan ibarətdir ki, anklav və eksklavlar de-yure məxsus olduqları dövlətin ərazisi olaraq qalır. İkinci variant isə delimitasiya zamanı tərəflərin ekvivalent ərazilərlə mübadilə aparmasıdır", – Ermənistanın Baş naziri bildirib.
Paşinyan qeyd edib ki, Ermənistan bu mövzudan imtina etmir.
"Mən deyə bilmərəm ki, biz anklav və eksklav mövzusundan imtina edirik və ya edə bilərik. Xeyr, bu məsələni həll etməliyik. Həll variantlarının necə olacağı isə müzakirə mövzusudur", – o vurğulayıb.
Baş nazir əlavə edib ki, daha sakit müzakirə üçün məsələ başqa müstəviyə keçirilib.
Qeyd edək ki, bu gün Azərbaycanın xarici işlər naziri Ceyhun Bayramov delimitasiya prosesi çərçivəsində anklavlar məsələsinin həllinin vacibliyini bildirib.
