Şəfiqə Məmmədova: “Rasimə deyiləsi sözüm çox idi”
“Rasim, biz sənin yolunu çox gözlədik. Sənin üçün çox darıxmışdıq. Deyiləsi sözüm çox idi. Sən çox şərəfli bir ömür yaşadın. Təsəllim də bundadır — düz yaşadın”.
TodayPress TV xəbər verir ki, bunu Xalq artisti Şəfiqə Məmmədova Xalq artisti Rasim Balayevlə vida mərasimində deyib.
O, mərhum ruhuna xitabən sənətkarın Azərbaycan kinosuna verdiyi töhfələri xüsusi vurğulayıb:
“Sən kinomuzun tarixinə o qədər töhfələr verdin ki…Özünü tariximizə bəxş etdin. Dostluqda çox vəfalı idin. Dostların səni çox sevirdi. Filmlərə çəkildin, obrazlar yaratdın və onların hamısını Azərbaycan xalqına miras qoydun. Azərbaycan xalqı və gələcək nəsillər səni unutmayacaq. Yaratdığın obrazlar səni yaşadacaq”.
Qiymət Mahir
