ING Azərbaycanın inflyasiya proqnozunu açıqladı

Niderlandın ən böyük maliyyə qrupu olan “ING Group” Azərbaycanla bağlı inflyasiya proqnozunu yenidən nəzərdən keçirib.

TodayPress TV xəbər verir ki, 2025-ci il üzrə inflyasiya proqnozu 5,3%-dən 5,4%-ə, 2026-cı il üzrə 5,1%-dən 5,3%-ə kimi artırıb. Bankın 2027-ci il üzrə inflyasiya gözləntisi isə 8,9 faiz təşkil edib.

Bank analitikləri bu ilin dördüncü rüb üzrə proqnozlarını 4,8%-dən 5,1%-ə kimi artırıblar. 2026-cı ilin ilk rübü üzrə proqnoz 4,9% (+0,3%), ikinci rüb üzrə 5,1% (0,2%), üçüncü rüb üzrə 5,3%(0,1%) və dördüncü rüb üzrə 5,7% müəyən edilib.

İqtisadiyyat Nazirliyinin proqnozlarına görə, bu il ölkədə orta illik inflyasiya 5,1 %, gələn il isə 4,3 % təşkil edəcək. Azərbaycan Mərkəzi Bankının 2025-ci ilin yanvar ayında yenilənmiş proqnozuna görə, cari ildə inflyasiya 5,5 %, 2026-cı ildə isə 3,8 % təşkil edəcək.

BMT-nin gözləntilərinə görə, bu il inflyasiya 3,6 %, 2026-cı ildə isə 3,1 % səviyyəsində olacaq.

Dünya Bankı 2025-2026-cı illərdə Azərbaycanda orta illik inflyasiyanın 2,3 % səviyyəsində olacağını gözləyir.

Beynəlxalq Valyuta Fondunun (IMF) proqnozlarına görə, 2025-ci ildə Azərbaycanda orta illik inflyasiya 5,7 %, illik inflyasiya 5,2 %, 2026-cı ildə orta illik inflyasiya 4,5 %, 2027-2029-cu illərdə isə 4 % təşkil edəcək.

“S&P Global” və “Moody's” beynəlxalq reytinq agentlikləri 2025-ci ildə Azərbaycanda orta illik inflyasiyanı 4 %, 2026-cı ildə isə 3 % səviyyəsində, “Fitch Ratings” isə 2025-ci ildə 5,3 %, 2026-cı ildə isə 4,6 % səviyyəsində proqnozlaşdırır.