Teslanın satışları kəskin azaldı
Avropa Birliyində Tesla avtomobillərinin satışı oktyabr ayında ötən ilin eyni dövrü ilə müqayisədə 48 faiz azalıb.
TodayPress TV "Haber Global"a istinadən xəbər verir ki, Avropa Avtomobil İstehsalçıları Assosiasiyasının (ACEA) açıqladığı məlumata görə, bu, şirkətin Aİ-də satışlarının artıq ardıcıl 10-cu aydır geriləməsi deməkdir.
Ötən ilin oktyabrında 10 867 ədəd Tesla satıldığı halda, bu ilin oktyabrında bu rəqəm 5 647-yə enib. Nəticədə markanın Aİ-də bazar payı da 1,3 faizdən 0,6 faizə düşüb.
Jalə Rövşən
