“OpenAI” “ChatGPT”də reklamların sınağına başladı
“OpenAI” şirkəti “ChatGPT” platformasında reklamları sınaqdan keçirməyə başlayıb.
TodayPress TV xəbər verir ki, bu barədə şirkətin rəsmi saytında məlumat yayılıb.
Bildirilib ki, ilkin mərhələdə ABŞ-də “ChatGPT”nin pulsuz versiyasından istifadə edənlər arasında test qrupları formalaşdırılıb. “Plus”, “Pro”, “Business”, “Enterprise” və “Edu” kimi ödənişli abunəliklər üçün reklamların yerləşdirilməsi nəzərdə tutulmur.
Şirkətin açıqlamasına görə, reklam bölmələri aydın şəkildə nişanlanacaq və neyron şəbəkəsinin cavablarından ayrı təqdim olunacaq. Reklamların çatbotun cavablarının məzmununa təsir göstərməyəcəyi vurğulanıb.
Türkan İsgəndərli
