Zədələrə fasilə: Alkaras və Rune birlikdə məşq edərək güc topladılar

Dünya reytinqinin ikinci pilləsində qərarlaşan ispaniyalı tennisçi Karlos Alkaras və ATP reytinqində 102-ci olan danimarkalı Holger Rune İspaniyanın Mursiya şəhəri yaxınlığındakı El-Palmar qəsəbəsində birgə məşq ediblər.

TodayPress TV xəbər verir ki, tennisçilərin məşq zamanı zərbələr üzərində çalışdığı görüntüləri jurnalist German Abril sosial şəbəkədə paylaşıb.

Hazırda həm Alkaras, həm də Rune zədələrdən sonra bərpa prosesi keçir və rəsmi turnirlərdə iştirak etmirlər.

Rune 2025-ci ilin oktyabrından kortlardan uzaqdır. Danimarkalı tennisçi həmin vaxt İsveçin Stokholm şəhərində keçirilən turnirdə fransalı Uqo Humberlə qarşılaşma zamanı ağır Axilles vətəri zədəsi alıb.

Alkaras isə 2026-cı ilin aprel ayının ortalarından ATP turnirlərində çıxış etmir. İspaniyalı tennisçi əlindən aldığı zədə səbəbindən bir sıra “Masters” turnirlərini, həmçinin “Roland Garros” və Uimbldon yarışlarını buraxıb.

Namiq HUN