“Tək variant icarədir” - Ter Ştegen gələcəyini açıqladı
“Barselona” klubunun qapıçısı Mark-Andre ter Ştegen qış transfer pəncərəsində klubdan ayrılmaq niyyətində olmadığını açıqlayıb.
TodayPress TV xəbər verir ki, bu barədə "Diario Sport" məlumat yayıb.
Alman qolkiper klub rəhbərliyinə bildirib ki, Türkiyə və ya İngiltərə kimi “uzaq və ekzotik” istiqamətlərdə çıxış etməyi planlaşdırmır.
Ter Ştegen Barselonada yaşamağa davam etmək istəyir. Buna görə də, onun üçün yeganə dəyişmə variantı La Liqanın “Jirona” klubuna icarədir.
Qeyd edək ki, qapıçı 2014-cü ilin iyulundan “Barselona”da çıxış edir. O, 2025/2026-cı illər mövsümündə yalnız İspaniya Kubokunda bir oyunda meydana çıxıb.
Namiq HUN
