“Real”da daxili narazılıq
“Real Madrid” klubunun üç ulduzu baş məşqçi Xabi Alonsonun işindən narazıdır.
TodayPress TV xəbər verir ki, bu barədə Cadena SER məlumat yayıb.
Bildirilir ki, Vinisius, Alonsonun komandada olduğu müddətdə Madrid klubu ilə yeni müqavilə imzalamaqdan imtina edir. Futbolçu hesab edir ki, baş məşqçi ona qarşı ədalətli davranmır.
Valverde yarımmüdafiədə oynamaq istəyir, lakin Alonso onu mərkəz yarımmüdafiəçisi kimi görmür və daha çox sağ cinah müdafiəçisi mövqeyində istifadə etməyə üstünlük verir.
Bellingem isə Alonsonun sistemində özünə uyğun rolu tapa bilmir və hərçənd bacarığını bəzi epizodlarda nümayiş etdirsə də, baş məşqçinin onun potensialından maksimum istifadə etdiyinə inanmır.
Namiq HUN
