Morata mart ayına qədər meydanlardan uzaq qalacaq
“Komo” klubunda çıxış edən Alvaro Morata ciddi zədə səbəbindən uzun müddət meydana çıxa bilməyəcək. İspaniyalı hücumçunun sol budun daxili əzələsində ağır dərəcəli problem aşkarlanıb.
TodayPress TV-nin “Tegola”ya istinadən məlumatına görə, Morata adduktor əzələsindəki bu ciddi zədə səbəbindən uzunmüddətli fasilə verməli olacaq.
Klubun tibbi heyəti onun yalnız mart ayında yenidən yaşıl meydanlara dönə biləcəyini proqnozlaşdırır.
Bu itki “Komo”nun hücum xətti üçün ciddi problem kimi qiymətləndirilir. Komandanın yaxın aylardakı oyun planlarında Moratanın yoxluğu nəzərəçarpacaq çatışmazlıq yaradacaq. Artıq futbolçunun reabilitasiya proqramına start verilib.
Namiq HUN
