Levandovskidən ABŞ sürprizi?
“Barselona” klubunun hücumçusu Robert Levandovski karyerasını Amerika Birləşmiş Ştatlarında davam etdirə bilər.
TodayPress TV xəbər verir ki, bu barədə BBC məlumat yayıb.
Məlumata görə, MLS təmsilçisi “Çikaqo Fayr” polşalı forvardı heyətinə cəlb etmək istəyir. Tərəflər arasında aparılan danışıqların uğurla davam etdiyi bildirilir.
Qeyd edək ki, 37 yaşlı futbolçu cari mövsüm “Barselona”nın heyətində keçirdiyi 17 oyunda 8 qol vurub və 2 məhsuldar ötürmə edib. Robert Levandovskinin Kataloniya klubu ilə müqaviləsinin müddəti mövsümün sonunda başa çatacaq.
Namiq HUN
