“Mançester Siti” hökmü gecikir: Premyer Liqa milyardlıq risklə üz-üzə
İngiltərə Premyer Liqası “Mançester Siti” klubuna qarşı irəli sürülən maliyyə qaydalarının pozulması ilə bağlı 115 maddə üzrə qərarın ciddi iqtisadi nəticələrə səbəb ola biləcəyindən narahatdır.
TodayPress TV “The Touchline” mənbəsinin X sosial şəbəkəsində yaydığı məlumata istinadənxəbər verir ki, yekun hökmün gecikməsinin əsas səbəblərindən biri potensial maliyyə riskləridir.
Bildirilir ki, klubun çempionatdan kənarlaşdırılması halında Premyer Liqa təxminən 2,5 milyard funt sterlinq (2,8 milyard avro) məbləğində itki ilə üzləşə bilər.
Mənbənin iddiasına görə, belə ssenari reallaşarsa, “Mançester Siti”nin ulduz hücumçusu Erlinq Haaland və baş məşqçi Xosep Qvardiola kimi əsas fiqurlar liqanı tərk edə bilər. Bu isə televiziya yayımçılarına müqavilələri ləğv etmək hüququ verə bilər. nəticədə Premyer Liqanın gəlirlərində ciddi azalma baş verər.
Xatırladaq ki, İngiltərə Premyer Liqası 2023-cü ilin fevralında “Mançester Siti”yə maliyyə qaydalarını pozmaqla bağlı rəsmi olaraq 115 maddə üzrə ittiham irəli sürmüşdü.
Namiq HUN
