Koxalskiyə nəhəng klublar göz dikib
“Qarabağ” klubunun qapıçısı Mateuş Koxalskinin transfer qiyməti açıqlanıb.
TodayPress TV xəbər verir ki, bu barədə Polşa KİV-i məlumat yayıb.
Bildirilir ki, “Qarabağ” klubu polşalı qolkiper üçün təklif göndərən klubdan 7 milyon avro tələb edəcək.
Polşa mətbuatının yazdığına görə, Avropanın nəhəng klublarından “Borussiya Dortmund” və “Napoli” Mateuş Koxalskini transfer etmək üçün təklif göndərməyə hazırlaşır.
“Qarabağ” klubunun isə mətbuat xidməti hələ Koxalski ilə bağlı heç bir rəsmi təklifin daxil olmadığını açıqlayıb.
Qeyd edək ki, 25 yaşlı qolkiper 2024-cü ilin yayında “Qarabağ”a qoşulub. O, cari mövsümdə meydana çıxdığı 15 oyunda 5 dəfə qapısını toxunulmaz saxlayıb.
Namiq HUN
