El-Klasiko öncəsi şok: “Real”ın vingeri finala çıxmaya bilər
Madrid “Real”ının vingeri Rodriqo Qoes İspaniya Superkubokunun finalında “Barselona” ilə oyunu buraxa bilər.
TodayPress TV xəbər verir ki, bu barədə COPE məlumat yayıb.
Mənbənin bildirdiyinə görə, braziliyalı futbolçunun budun arxa əzələsində problem yaranıb və o, ağrılar hiss edir.
Bu gün Rodriqo tibbi müayinədən keçəcək. Müayinənin nəticələrinə əsasən onun final matçında oynayıb-oynamayacağı dəqiqləşəcək.
Qeyd edək ki, İspaniya Superkuboku uğrunda “Barselona”-“Real” komandaları arasında final qarşılaşması yanvarın 11-də keçiriləcək.
Xatırladaq ki, yarımfinal mərhələsində “Real” Madrid “Atletiko”suna qalib gəlib, “Barselona” isə Bilbao “Atletik”ini məğlub edərək finala yüksəlib.
Namiq HUN
