Danimarka nağılı davam edir

Hokkey üzrə dünya çempionatında 1/4 final mərhələsinin oyunları da sürprizsiz ötüşməyib.   

TodayPress TV xəbər verir ki, mərhələnin gözlənilməz nəticəsi Kanada - Danimarka matçında qeydə alınıb.   

Uzun müddət hesabda öndə olan kanadalı hokkeyçilər sonda sayıqlığı itirərək (1:2) məğlubiyyətlə barışmalı olublar. Danimarka nağılı davam edir.   

İsveçrə isə mundialın ikinci sürpriz komandası olan Avstiya ilə qarşılaşmada çətinlik çəkməyib 6:0. 

Son çempion Çexiya İsveçə (2:5) uduzub.   

Çempionatın favorit komandalarından biri sayılan ABŞ isə Finlandiyanı (5:2) mübarizədən kənarlaşdırıb. 

Qeyd edək ki, hokkey üzrə dünya çempionatında yarımfinal mərhələsinin oyunları mayın 24-də keçiriləcək. Finala aparan yolda İsveç ABŞ-lə, İsveçrə isə Danimarka ilə münasibətlərinə aydınlıq gətirəcək.   

Namiq HUN