Cüdoçular il ərzində 94 medal qazanıblar
İlin əvvəlindən Azərbaycan cüdoçuları beynəlxalq arenada 94 mükafat qazanıblar.
TodayPress TV “Judobase” portalına istinadən xəbər verir ki, cüdoçularımız böyüklər, gənclər, kadetlər və veteranlar səviyyəsində 21 qızıl, 25 gümüş və 48 bürünc medala sahib olublar.
Mükafatların əksəriyyəti Dünya Turunun payına düşür.
“Böyük Dəbilqə” turnirlərində isə cüdoçularımız ümumilikdə 17 medal qazanıblar.
Medal sıralamasında Azərbaycan 13-cü yerdədir.
İlk pilləyə, hesabında 64 qızıl, 37 gümüş və 80 bürünc medal olan Fransa başçılıq edir.
Namiq HUN
