Cüdoçularımız Avropa kubokunun ilk günündə 4 medal qazandılar
Şimali Makedoniyanın paytaxtı Skopyedə cüdo üzrə gənclər arasında Avropa Kuboku start götürüb.
TodayPress TV xəbər verir ki, ilk yarış günündə 4 cüdoçumuz fəxri kürsüyə qalxıb.
60 kq çəki dərəcəsində Nihad Məmişov və 73 kq çəkidə Əbil Yusubov bütün rəqiblərinə qalib gələrək qızıl medal qazanıblar. Fərid Qarayev (60 kq) gümüş, Məhəmməd Musayev (66 kq) isə bürünc medala sahib olub.
2 qızıl, 1 gümüş və 1 bürünc medala malik Azərbaycan ümumi komanda hesabında ikinci pillədə qərarlaşıb.
Qeyd edək ki, turnirə 26 ölkədən 226 idmançı qatılıb.
