“AGF Trophy” Azərbaycan gimnastlarının zəfəri ilə yadda qaldı
Azərbaycanın idman gimnastları “AGF Trophy” turnirində növbəti uğurlu nəticələrə imza atıblar.
TodayPress TV xəbər verir ki, Milli Gimnastika Arenasında keçirilən yarışın son günündə üç gimnastımız qızıl medal qazanıb.
Dəniz Əliyeva dayaqlı tullanmada, Rəsul Əhmədzadə gimnastika atında, Nikita Simyonov isə halqalar növündə bütün rəqiblərini qabaqlayıblar.
Dəniz Əliyeva əlavə olaraq müxtəlif hündürlüklü qollar üzrə gümüş medala da yiyələnib.
Digər gimnastlarımızdan Xədicə Abbaszadə dayaqlı tullanmada, İlham Salayev sərbəst hərəkətlərdə, Leyla Məmmədzadə isə müxtəlif hündürlüklü qollar növündə bürünc medal əldə ediblər.
Namiq HUN
