Budvada Azərbaycan boksçularının rinq sınağı başlayır
Azərbaycanın iki boksçusu Monteneqro kubokunda iştirak edəcək.
TodayPress TV xəbər verir ki, martın 15-də Budva şəhərində boks üzrə Monteneqro kuboku start götürəcək.
Bir həftə davam edəcək yarışda Azərbaycan millisinin üzvlərindən Tağı Nəsibov və Məhəmmədəli Qasımzadə rinqə çıxacaqlar. Hər iki idmançı 60 kq çəki dərəcəsində mübarizə aparacaq.
Yığmanın böyük məşqçisi Nəriman Abdullayevin rəhbərliyi altında Budvaya yollanan komanda martın 22-də Bakıya qayıdacaq.
Namiq HUN
