Bottasdan maliyyə mesajı: “Sadəcə mənasını görmürəm”
“Kadillak” komandasının pilotu Valtteri Bottas “Formula-1” sürücülərinin şəxsi təyyarələri ilə bağlı fikirlərini bölüşüb.
TodayPress TV xəbər verir ki, bu barədə What's Next nəşri məlumat yayıb.
Finlandiyalı pilot bildirib ki, bir çox “Formula-1” sürücüsünün şəxsi jeti var:
“Əslində kifayət qədər çox sürücünün şəxsi təyyarəsi mövcuddur. Məsələn, Çeko (Serxio Peres) var. Fernando Alonso var, Maksın da var. Ən azı onların olduğunu dəqiq bilirəm. Mənim isə şəxsi təyyarəm yoxdur, çünki maliyyə baxımından bunun mənası yoxdur. Çarter xidmətindən istifadə etmək daha səmərəlidir. Bəzi məsələlərdə sadəcə pulu havaya sovurmağın mənasını görmürəm. Səbəb çox sadədir”, – deyə Bottas bildirib.
Namiq HUN
