Azərbaycanlı bacılar Avropa sularında yarışacaq!
Azərbaycanın iki yelkənçisi gənclər arasında keçiriləcək ILCA IV Avropa çempionatında iştirak edəcək.
TodayPress TV xəbər verir ki, bu barədə Azərbaycan Yelkən Federasiyası məlumat yayıb.
Yarışda ölkəmizi Nərgiz Məmmədova və Nəzrin Məmmədova təmsil edəcəklər.
ILCA 4 European Championship aprelin 11-dən 18-dək İspaniyanın Mursiya şəhərində keçiriləcək.
Qeyd edək ki, ILCA IV (Laser 4.7) sinfi gənc idmançılar üçün nəzərdə tutulub və Avropa çempionatı bu kateqoriyada ən mötəbər yarışlardan hesab olunur. Bu turnir yelkənçilər üçün beynəlxalq təcrübə qazanmaq və reytinq xalları toplamaq baxımından mühüm əhəmiyyət daşıyır.
Namiq HUN
