Türkiyədə mikroavtobus xəndəyə aşdı
Türkiyənin Sivas şəhərində sərnişin mikroavtobusu qəzaya uğrayıb.
TodayPress TV xəbər verir ki, “Milliyet”in məlumatına görə, hadisə Elmaseki-Çokrak kəndi yaxınlığında baş verib.
Sivasdan Suşehriyə gedən və 14 nəfərin olduğu mikroavtobusun sürücüsü idarəetməni itirib. Nəticədə avtomobil maneəyə çırpılaraq xəndəyə düşüb.
Qəza nəticəsində 10 nəfər yaralanıb. Onlardan dördünün vəziyyətinin ağır olduğu və həyatları üçün təhlükə yarandığı bildirilib. Yaralılar helikopterlə Sivas şəhər mərkəzindəki xəstəxanalara çatdırılıb.
Hadisə ilə bağlı araşdırma başladılıb.
Türkan İsgəndərli
PHOTOS
