Türkiyədə 5 kq partlayıcı daşıyan PUA aşkarlandı
Türkiyənin şimal-şərqində yerləşən Trabzon vilayətində 5 kiloqram partlayıcı ilə təchiz olunmuş Ukraynaya məxsus pilotsuz uçuş aparatı (PUA) aşkar edilib.
TodayPress TV xəbər verir ki, bu barədə IHA agentliyi məlumat yayıb.
Məlumata görə, Ukrayna Silahlı Qüvvələrinə məxsus PUA Vakfıkebir rayonunda ağaca çırpılıb.
Hadisə yerinə cəlb olunan mütəxəssislər dronu müayinə ediblər.
"PUA-nın 5 kiloqram partlayıcı ilə təchiz olunduğu müəyyən edilib", - məlumatda bildirilib.
