Tramp Omanı hədələdi – Konqres hərəkətə keçdi
ABŞ Konqresindəki Demokratlar Prezident Donald Trampın Omanla bağlı sərt açıqlamalarından sonra onun hərbi səlahiyyətlərini məhdudlaşdırmaq üçün yeni addımlar atmağa hazırlaşırlar.
TodayPress TV xəbər verir ki, “Axios”un Konqres mənbələrinə istinadən yaydığı məlumata görə, Demokrat senator Tim Keyn Senatda Omana qarşı hərbi əməliyyatların qarşısını almağa yönəlmiş müharibə səlahiyyətləri qətnaməsinin təqdim edilməsini planlaşdırır.
Tramp daha əvvəl Oman Yaxın Şərqdəki vəziyyətin həllinə mane olarsa, ABŞ-nin bu ölkəni bombalayacağını bildirib.
Keyn ABŞ və Oman arasında diplomatik və ticarət əlaqələrinin güclü olduğunu vurğulayaraq, Trampın təhdidlərinin Rusiya və Çin kimi ölkələrin maraqlarına xidmət edə biləcəyini deyib
Senator həmçinin respublikaçıların Trampın hərbi qərarlarının qarşısını almaq üçün mövqe nümayiş etdirəcəyinə ümid etdiyini bildirib.
Məlumata görə, Konqresdə Trampın İranla bağlı siyasəti və Yaxın Şərqdə mümkün hərbi əməliyyatları da diqqət mərkəzindədir.
Türkan İsgəndərli
