Rusiya XİN ABŞ ilə Venesuela arasındakı böhranla bağlı gözləntilərini açıqladı
Rusiya ABŞ Prezidenti Donald Trampın praqmatizminin Venesuela ilə böhranın həllinə kömək edəcəyinə ümid edir.
TodayPress TV xəbər verir ki, bu barədə Rusiya Xarici İşlər Nazirliyinin sözçüsü Mariya Zaxarova brifinqdə danışıb.
"Ümid edirik ki, ABŞ Prezidenti Trampın özünəməxsus praqmatizmi və rasionallığı beynəlxalq hüquq normaları çərçivəsində qarşılıqlı məqbul həllər tapmağa imkan verəcək", - deyə diplomat bildirib.
Zaxarova əlavə edib ki, Rusiya Venesuela Prezidenti Nikolas Maduro hökumətinin suverenliyini və milli maraqlarını qorumaq səylərini dəstəkləyir.
Aysel Mətləb
