Rusiya Stubbu mübahisəli namizəd adlandırdı
"Finlandiya Prezidenti Aleksandr Stubb Avropa İttifaqının (Aİ) Ukrayna üzrə xüsusi nümayəndəsi vəzifəsinə mübahisəli namizəddir. O, dəfələrlə Rusiya əleyhinə bəyanatlar verib".
TodayPress TV xəbər verir ki, bu barədə Rusiya Liberal Demokrat Partiyasının lideri Leonid Slutski "TASS"a bildirib.
O qeyd edib ki, Rusiya dialoqdan imtina etmir.
"Rusiya ilə danışıqlar aparmaq üçün Aİ-nin Ukrayna nizamlanması üzrə xüsusi nümayəndəsinin təyin edilməsi ideyası yeni deyil", - deyə o vurğulayıb.
Slutski xatırladıb ki, Moskva və Vaşinqton arasında danışıqlar zamanı Aİ-nin Rusiya ilə dialoqa ehtiyacı artıq Fransa Prezidenti Emmanuel Makron və İtaliya Baş naziri Corcio Meloni tərəfindən qəbul edilib.
Aysel Mətləb
