Rumıniyada otel yandı: 2 nəfər itkin düşdü
Rumıniyanın Prahova qraflığında, Ployeşti şəhəri yaxınlığında yerləşən bir mehmanxanada baş verən yanğında azı iki nəfər itkin düşüb, üç nəfər isə yaralanıb.
TodayPress TV xəbər verir ki, bu barədə "Digi24" telekanalı məlumat yayıb.
Yanğın baş verən zaman binada yalnız otel işçiləri olub. İtkin düşənlərin çardaqda qalan iki Nepal vətəndaşı olduğu bildirilir. Daha üç işçi isə öz gücləri ilə binadan çıxaraq xilas ola bilib.
Fövqəladə Hallar üzrə Baş Müfəttişlik yanğının 500 kvadratmetrlik sahədə söndürüldüyünü açıqlayıb. Hadisənin səbəbi hələ ki, məlum deyil.
Türkan İsgəndərli
