Oman XİN: “İranın qonşu ölkələrə zərbələri qəbuledilməzdir”
İsrail və ABŞ-nin İrana qarşı hərəkətləri əxlaqsız və qanunsuzdur, lakin İran İslam Respublikasının qonşu ərəb ölkələrinə qarşı cavab zərbələri də qəbuledilməzdir.
TodayPress TV xəbər verir ki, bu barədə Omanın xarici işlər naziri Bədr əl-Busaidi “X” sosial şəbəkəsində yazıb.
“İsrail və ABŞ-nin İrana qarşı atdığı hərəkətlər həm əxlaqsız, həm də qanunsuzdur. Lakin İranın qonşularına qarşı cavab tədbirləri də dərin təəssüf doğurur və qəbuledilməzdir”, - deyə nazir bildirib.
O, bütün tərəfləri atəşkəsə və diplomatiyanın təcili bərpasına çağırıb.
Qeyd edək ki, daha əvvəl Bədr əl-Busaidi Vaşinqton və Tehran arasında vasitəçi olub.
Aysel Mətləb
