Yəmən sahillərində gəmiyə silahlı hücum edildi
Naməlum şəxslər Yəmən sahillərində gəmiyə qayıqlarla hücum ediblər.
TodayPress TV xəbər verir ki, bu barədə Böyük Britaniya Hərbi Dəniz Qüvvələrinin tabeliyindəki Dəniz Ticarət Daşımalarının Koordinasiyası Mərkəzinin (UKMTO) bildirişində deyilir.
"UKMTO Yəmənin Ədən şəhərindən 105 dəniz mili şimal-şərqdə baş vermiş insident barədə məlumat daxil olub. Naməlum gəmiyə 4 metr məsafəyədək yaxınlaşan iki kiçik qayıqdan hücum edilib. Qayıqların göyərtəsində naməlum sayda silahlı şəxs olub. Cavab olaraq, gəmi mühafizəni işə salıb və qarşı tərəfə atəş açıb. Bundan sonra qayıqlardakı hücumçular təqibi dayandırıb və gəmidən 4 dəniz milindən çox məsafəyə uzaqlaşıblar", - deyə məlumat verilib.
Mərkəz təfərrüatları açıqlamayıb, lakin ənənəyə sadiq qalaraq araşdırma aparıldığını bildirib.
Aysel Mətləb
