Kallas: "İranla müharibə səbəbindən Qəzzada sülh planı dayanıb"
ABŞ və İsrailin İrana qarşı hərbi əməliyyatları Qəzza zolağı üçün sülh planını dayandırıb.
TodayPress TV xəbər verir ki, bu barədə Avropa İttifaqının xarici işlər üzrə ali nümayəndəsi Kaya Kallas mətbuat konfransında bildirib.
"Yaxın Şərqdəki bu yeni müharibənin Qəzzada və Qərb Şəriyədə baş verənlərdən diqqəti yayındırdığı doğrudur. Nazirlər bu məsələni bu gün qaldırdılar, çünki görürük ki, bu inkişaf bir daha Qəzzaya humanitar yardımın çatdırılmasına mane olmaq üçün istifadə olunur", - deyə o vurğulayıb.
Kallasın fikrincə, sülh planının ikinci mərhələsi tamamilə dayanıb. O, həmçinin İsrailli köçkünlərin Qərb Şəriyəsində fələstinlilərə qarşı qəddar davranışlarına da toxunub.
Aysel Mətləb
