Finlandiyanın Qrenlandiyadakı hərbi missiyası başa çatdı
Qrenlandiyaya göndərilən Finlandiya qoşununun hərbi missiyası başa çatıb.
TodayPress TV xəbər verir ki, bu barədə “Yle” qəzeti məlumat yayıb.
Bildirilib ki, hərbçilər bu həftə evə qayıdacaqlar.
Qeyd edək ki, Helsinki Arktika adasına yalnız iki əlaqə zabiti göndərib.
Xatırladaq ki, yanvarın 14-də Qrenlandiya hökuməti və Danimarka Müdafiə Nazirliyi Arktikadakı "geosiyasi gərginlik" səbəbindən NATO müttəfiqləri ilə sıx əməkdaşlıq çərçivəsində adada Danimarka silahlı qüvvələrinin təlimlərini daha da gücləndirmək qərarını açıqlayıblar.
Eyni zamanda İsveç, Norveç, Almaniya, Fransa, Birləşmiş Krallıq, Finlandiya və Niderland da adaya qoşun göndərmək niyyətində olduqlarını bildiriblər.
Aysel Mətləb
