Finlandiya–Rusiya sərhədindəki hasarın hündürlüyü artırılacaq
Finlandiya ilə Rusiya arasında inşa edilən sərhəd hasarının hündürlüyünün yenidən artırılması planlaşdırılır.
TodayPress TV xəbər verir ki, bu barədə ölkənin "Yle" telekanalı layihənin rəhbəri, podpolkovnik Esa Veykkanenin sözlərinə istinadən məlumat yayıb.
Yeni plana əsasən, hasarın hündürlüyü təxminən bir metr artırılacaq və daha möhkəm materiallardan istifadə ediləcək.
“Hasarın toru daha davamlı olacaq, onu zədələmək və ya aşmaq daha çətin olacaq” deyə Veykkanen bildirib.
Məlumata görə, sərhəd boyunca çəkilən hasar üzərinə süni intellektlə təchiz olunmuş kameralar quraşdırılacaq. Bu sistem insanla heyvanı bir-birindən ayırd edə biləcək.
Finlandiya hakimiyyəti 200 kilometrlik hasarın 2026-cı ilin sonunadək tam hazır olacağını planlaşdırır.
Qiymət Mahir
