"DeepSeek"dən tarixi rekord - 50 milyard dollar!
İnvestorlar ilk maliyyələşmə raundunda Çinin "DeepSeek" şirkətini 50 milyard dollardan artıq qiymətləndiriblər və bu, onu ölkənin ən bahalı süni intellekt startapına çevirib.
TodayPress TV xəbər verir ki, bu barədə "The Wall Street Journal" (WSJ) mənbələrə istinadən məlumat yayıb.
Qəzetin yazdığına görə, "DeepSeek" ilk investisiya raundunda 7,4 milyard dollardan çox vəsait cəlb edib. Bu məbləğin təxminən 3 milyard dolları şirkətin təsisçisi Lyan Venfen tərəfindən yatırılıb.
Digər investorlar arasında Çinin ən böyük texnologiya konsernlərindən biri olan və təxminən 1,5 milyard dollar sərmayə qoyan "Tencent", 150 milyon dollar maliyyə ayıran Süni İntellekt sahəsində Milli İnvestisiya Fondu və 740 million dollar investisiya edən akkumulyator istehsalçısı "Contemporary Amperex Technology" (CATL) yer alır.
