Əraqçi: "Region ölkələri ilə münasibətlərimiz yaxşıdır"
“İran Qətər də daxil olmaqla, regiondakı bütün ölkələrlə mehriban qonşuluq münasibətləri saxlayır”.
TodayPress TV xəbər verir ki, bunu İranın xarici işlər naziri Abbas Əraqçi qətərli həmkarı Məhəmməd bin Əbdürrəhman Əl-Sani ilə telefon danışığı zamanı bildirib.
İranın xarici işlər naziri, ölkənin Qətər də daxil olmaqla regional ölkələrlə dostluq münasibətlərini qorumaq və inkişaf etdirmək öhdəliyini vurğulayıb.
İran diplomatik korpusu həmçinin Qətərə xatırladıb ki, bu ölkə "öz ərazisindən digər ölkələr tərəfindən üçüncü dövlətlərə qarşı hərbi təcavüz üçün istifadə edilməsinin qarşısını almaq" barədə beynəlxalq hüquqi öhdəliklər götürüb.
Əraqçi region ölkələrinin "kollektiv və daxili sülh və təhlükəsizlik istiqamətində" addımlayacağına ümidvar olduğunu bildirib.
Aysel Mətləb
