"Chery" "Nissan" zavodunu alır
Çinin "Chery" avtomobil şirkəti Yaponiyanın "Nissan" korporasiyasının Cənubi Afrikadakı zavodunu, torpaq və ofis binaları ilə birlikdə satın alır.
TodayPress TV xəbər verir ki, zavod ildə 45.000 avtomobil istehsal edirdi və hər üçüncü avtomobil digər Afrika ölkələrinə ixrac olunurdu.
"Chery" hələ yeni istehsal həcmlərini açıqlamayıb, amma bu addım şirkətin Cənubi Afrika bazarındakı mövqeyini gücləndirəcək. 2025-ci ildə "Chery" Cənubi Afrikada 45.000 avtomobil satıb və Çin markaları ölkədə yeni avtomobil satışlarının 20%-ni təşkil edir. Altı il əvvəl bu rəqəm cəmi 2% idi.
Türkan İsgəndərli
