Amerika İran gəmisini birgə təlimə dəvət etdi, sonra torpedo ilə vuraraq batırdı

ABŞ Hərbi Dəniz Qüvvələrinin İran gəmisinə münasibəti ilə bağlı yayılan paylaşım sosial şəbəkələrdə geniş müzakirələrə səbəb olub.

TodayPress TV xəbər verir ki, paylaşımda silahsız İran gəmisinin vaxtilə Hindistanın təşkil etdiyi hərbi dəniz təliminə ABŞ ilə birlikdə dəvət olunduğu iddia edilir.

Müəllif yazır ki, İran gəmisinin heyəti Hindistanda rəsmi şəkildə qarşılanıb və ölkənin Baş naziri Narendra Modinin iştirakı ilə keçirilən tədbirdə onlara ehtiram göstərilib. İddiaya görə, ABŞ son anda təlimdən geri çəkilib, daha sonra isə həmin gəmini hədəfə alaraq torpedalayıb.

Paylaşımda, həmçinin iddia olunur ki, hücumdan sonra ABŞ dənizə düşən İran dənizçilərini xilas etməyib və onların taleyinə biganə qalıb. Müəllifin sözlərinə görə, həlak olanların cəsədlərinin çıxarılması işi Şri-Lanka Hərbi Dəniz Qüvvələri tərəfindən həyata keçirilib.

Paylaşım müəllifi baş verənləri müharibə deyil, "diplomatiya adı altında həyata keçirilmiş pusqu və ən rüsvayçı xəyanət" kimi qiymətləndirib. Onun fikrincə, bu hadisə dənizdə davranış qaydalarını müəyyən edən beynəlxalq normaların pozulması olub.

Müəllif daha sonra ABŞ mediasını hadisəyə laqeyd yanaşmaqda və ya ona haqq qazandırmaqda ittiham edib.

Qiymət Mahir

That time when an unarmed Iranian ship was invited to take part in an Indian naval exercise alongside the United States.
Its sailors were welcomed on land and paraded before Indian President Modi as a gesture of respect.
Then, at the last moment, the United States suddenly… pic.twitter.com/WVFYpLgFH4

— Richard (@ricwe123) June 30, 2026