"Amazon" minlərlə işçisini ixtisar edəcək
"Amazon" növbəti həftə ən böyük işçi ixtisarını həyata keçirəcək və bir neçə min işçini işdən çıxarmağı planlaşdırır.
TodayPress TV xəbər verir ki, bu barədə "Reuters" məlumat yayıb.
Bildirilir ki, bu, ötən ilin oktyabr ayında elan edilmiş səmərəlilik proqramının bir hissəsidir. Ümumilikdə şirkət təxminən 27 min işçini ixtisar edəcək, onlardan təxminən 14 mini artıq işdən çıxarılıb.
İxtisarlar "Amazon Web Services" bulud bölməsi və "Prime Video" yayım xidmətini əhatə edəcək.
Qeyd edək ki, "Amazon" 1995-ci ildə təsis olunub və ABŞ, Kanada, Çin, Braziliya, Yaponiya və Avropada fəaliyyət göstərir. Şirkət dünyanın ən böyük onlayn pərakəndə satış şirkətlərindən biridir.
Türkan İsgəndərli
