Afrikada Ebola epidemiyası: 63 ölü, 400-ə yaxın yoluxma
Konqo Demokratik Republikası və Uqandada Ebola virusuna yoluxma hallarının sayı 397-yə çatıb, onlardan 63-ü ölümlə nəticələnib.
TodayPress TV xəbər verir ki, bu barədə Xəstəliklərə nəzarət və profilaktika üzrə Afrika Mərkəzinin rəhbəri Jan Kaseya bildirib.
"Son məlumatlara əsasən, 381 yoluxma halı Konqoda, 16 yoluxma halı isə Uqandada təsdiqlənib", - J.Kaseya deyib.
Jan Kaseya bildirib ki, bu epidemiya mürəkkəbliyinə görə tarixdə dördüncü yerdədir.
Məlumata görə, həkimlər artıq yoluxmuş şəxslərlə təmasda olmuş təxminən 10 min nəfəri yoxlayıblar (Konqo DR-də 4 341, Uqandada isə 5 009 nəfər).
Xatırladaq ki, mayın 17-də Dünya Səhiyyə Təşkilatı Konqo və Uqandada Ebola qızdırmasının yayılmasını səhiyyə sahəsində fövqəladə vəziyyət elan edib.
