ABŞ boğaza kimi borcun içindədir - Vaşinqtonun borclandığı ölkələrin SİYAHISI

ABŞ Prezidenti Donald Trampın dövlət xərclərini azaltmaq və miqrasiya siyasətini sərtləşdirmək istiqamətində atdığı addımlara baxmayaraq, ölkənin borc problemini həll etmək mümkün olmayıb.

TodayPress TV xəbər verir ki, xarici KİV-in  məlumatına görə, ABŞ hökuməti hələ də topladığı vergi gəlirlərindən daha çox vəsait xərcləyir. Nəticədə ölkənin xarici borcu artmaqda davam edir.

Bildirilir ki, ABŞ-nin xarici borcu Cozef Baydenin prezidentlik dövrünün sonunda təxminən 8,5 trilyon dollar olduğu halda, hazırda 9,2 trilyon dollara çatıb.

Qeyd olunur ki, Tramp administrasiyası borcun artım tempini müəyyən qədər yavaşlada bilsə də, ümumi borcun azalmasına nail olmayıb. Köhnə borclar yenilənir, onların üzərinə faiz ödənişləri əlavə olunduğundan borc həcmi artmaqda davam edir.

ABŞ borcundan ən çox gəlir əldə edən ölkələr:

Yaponiya – 1,13 trilyon dollarlıq ABŞ borcundan ildə təxminən 55 milyard dollar faiz gəliri əldə edir.

Böyük Britaniya – 809 milyard dollarlıq borcdan təxminən 40 milyard dollar;

Çin – 757 milyard dollarlıq borcdan təxminən 38 milyard dollar;

Kanada – 426 milyard dollarlıq borcdan təxminən 21 milyard dollar faiz gəliri əldə edir.

Jalə Rövşən