Şahbaz Şərif 28 May – Müstəqillik Günü münasibətilə paylaşım etdi
Pakistan Baş naziri Şahbaz Şərif sosial media hesablarında 28 May – Müstəqillik Günü münasibətilə paylaşım edib.
TodayPress TV paylaşımı təqdim edir: "Pakistan xalqı və hökuməti adından, eləcə də şəxsən öz adımdan Prezident İlham Əliyevi və qardaş Azərbaycan xalqını Azərbaycanın Müstəqillik Günü münasibətilə səmimi-qəlbdən təbrik edirəm. Pakistan Azərbaycanla olan yaxın qardaşlıq əlaqələrini yüksək qiymətləndirir – bu münasibətlər ortaq tarix, qarşılıqlı etimad və bir-birinə sarsılmaz dəstək üzərində qurulub. Bu il bu tarixi günü Prezident Əliyev və azərbaycanlı qardaş və bacılarımızla birlikdə Azərbaycanda qeyd etmək mənim üçün böyük məmnunluq və qürur mənbəyidir. Əminəm ki, Prezident Əliyevin müdrik və uzaqgörən rəhbərliyi ilə ölkələrimiz arasında çoxşaxəli tərəfdaşlıq daha da möhkəmlənəcək və inkişaf edəcək."
