Zəlzələdən sonra Kolumbiyada sunami təhlükəsi var?
Güclü zəlzələdən sonra Kolumbiyanın Sakit okean sahillərində sunami təhlükəsi yoxdur.
TodayPress TV xəbər verir ki, bu barədə Kolumbiyanın Təbii Fəlakət Risklərinin İdarə Edilməsi üzrə Milli Xidməti "X" sosial şəbəkəsində məlumat yayıb.
"Kolumbiyanın Baş Dəniz İdarəsinin məlumatına görə, səhər saat 07:34-də (Bakı vaxtı ilə 16:34 - red.) Çoko departamentinin San-Xose-de-Palmar şəhərindən 20 kilometr məsafədə qeydə alınan 7.4 maqnitudalı zəlzələdən sonra Kolumbiyanın Sakit okean sahilləri üçün sunami təhlükəsi yoxdur", - deyə açıqlamada bildirilib.
