Vanq Yi Pakistanı vasitəçilik səylərini artırmağa çağırdı: Hörmüz böhranı həll olunur?
Çinin xarici işlər naziri Vanq Yi Pakistanı vasitəçilik səylərini artırmağa və Hörmüz boğazının açılması ilə bağlı məsələlərin düzgün həllinə töhfə verməyə çağırıb.
TodayPress TV xəbər verir ki, bu barədə çağırışı o, Pakistan Baş nazirinin müavini və xarici işlər naziri Məhəmməd İshaq Darla telefon danışığı zamanı edib.
Dar, Vanqa Pakistanın İran və ABŞ arasında danışıqların asanlaşdırılmasında son vasitəçilik səyləri barədə məlumat verib, Pakistanın dialoqun təşviqi səylərini dəstəklədiyinə görə Çinə təşəkkür edib. Eyni zamanda o, regional sülh və sabitliyin qorunmasında birgə müsbət rol oynamaq üçün Çinlə koordinasiyanı gücləndirməyə ümid etdiyini bildirib.
Van Çinin prinsipial mövqeyini bir daha təkrarlayıb və ABŞ-İran danışıqlarını asanlaşdırdığına, müvəqqəti atəşkəsin uzadılmasına kömək etdiyinə görə Pakistanı təqdir edib. O, Pakistanın özünəinamını qoruyub saxlayacağına və beynəlxalq ictimaiyyətin ortaq arzusu olan regional sülhün tezliklə bərpasına töhfə verəcəyinə ümid etdiyini bildirib.
Vanq vurğulayıb ki, Çin Pakistanın vasitəçilik səylərini dəstəkləməyə və bu məqsədə öz töhfəsini verməyə davam edəcək.
Aysel Mətləb
