Türkiyə və HƏMAS Qəzza atəşkəsini müzakirə etdi
Türkiyənin xarici işlər naziri Hakan Fidan Qəzza atəşkəs razılaşmasının ikinci mərhələsi ilə bağlı inkişafları müzakirə etmək üçün HƏMAS nümayəndə heyəti ilə görüşüb.
TodayPress TV xəbər verir ki, bu barədə "TRT" telekanalı məlumat yayıb.
Bildirilir ki, tərəflər həmçinin Qəzzada humanitar vəziyyət və digər regional məsələləri müzakirə ediblər. Fidan nümayəndə heyətinə Türkiyənin çox ehtiyac duyulan humanitar yardımın Qəzzaya çatmasını təmin etmək üçün səylərini davam etdirəcəyinə əminlik verib.
Görüş Qəzza atəşkəs razılaşmasının yeni mərhələsi və humanitar yardımın çatdırılması ilə bağlı beynəlxalq müzakirələrin davam etdiyi bir vaxtda baş tutub.
Aysel Mətləb
