Tramp: "Bizi düşmənlərimiz yox, dostlarımız məhv etdi"

"Mən ticarətlə məşğulam və bizim bağladığımız ən pis sazişlərdən, ən uğursuz ticarət razılaşmalarından bəziləri düşmənlə deyil, dostlarımızla olmuşdu".

TodayPress TV xəbər verir ki, bunu ABŞ lideri Donald Tramp Azərbaycan Prezidenti İlham Əliyev və Ermənistanın Baş naziri Nikol Paşinyanla Ağ Evdə mətbuata birgə bəyanatları zamanı deyib.

"Bizim bəzi ən pis ticarət razılaşmalarımız düşmənlə yox, məhz dost ölkələrlə imzalanıb. Dostlarımız ticarətdə bizi sözün əsl mənasında məhv edirdi. Artıq yox. Artıq belə deyil. 

İndi biz trilyonlarla dollar qazanırıq və hörmət görürük. Və biz ticarət vasitəsilə bir çox məsələləri həll edirik.

Məsələn, Hindistan-Pakistan məsələsində düşünürəm ki, bunu həll etməkdə əsas səbəb ticarət oldu. Mən buna görə də məsələyə qarışdım. Mən özünü və bəlkə də bütün dünyanı partlatmaq istəyən ölkələrlə işləmək istəmirəm. Çünki bunlar nüvə silahına sahib ölkələrdir. Bu, çox böyük məsələ idi. Onu həll etmək, siz də razı olarsınız ki, böyük uğur idi.

Onlar bir-birinə qarşı hərbi əməliyyatlar aparırdılar. Bilirsiniz, son toqquşmalarında beş-altı təyyarə vurulmuşdu. Və bu, daha da böyüyə bilərdi. Bu, çox-çox pis nəticələrə gətirib çıxara bilərdi.

Mən çoxlu həyatları xilas etmək istəyirəm. Mən həyat xilas etməyi sevirəm. Məsələ də bundadır. Çünki həyatları xilas etdikdə, nəticədə daha dinc bir dünya əldə edirsən. Bu, adətən yaxşı nəticələnir".

Qiymət Mahir

Töhfə Səməd