Rusiya vətəndaşları Finlandiyadan deportasiya olundu

Finlandiya hakimiyyəti 2025-ci ilin yanvar-iyun ayları ərzində ölkədən 90 nəfər Rusiya vətəndaşını deportasiya edib. Onlardan 16-sı məhkəmə qərarı əsasında və müşayiət altında ölkədən çıxarılıb.

TodayPress TV xəbər verir ki, bu barədə "Iltalehti" qəzeti Finlandiya Polis İdarəsinə istinadla məlumat yayıb.

Ümumilikdə ilin ilk altı ayı ərzində Finlandiyadan 1 374 nəfər ölkədən çıxarılıb, onlardan 271 nəfər müşayiətlə deportasiya olunub. Ən çox deportasiya olunan şəxslər Estoniya (204 nəfər) və Rumıniya (130 nəfər) vətəndaşlarıdır.

Müqayisə üçün qeyd edək ki, ötən ilin eyni dövründə ölkədən 1 043 nəfər çıxarılmışdı.

Töhfə Səməd