Qəzzada aclıqdan ölənlərin sayı artdı: Son 24 saatda 10 nəfər

Son 24 saat ərzində aralarında 2 uşaq da olmaqla daha 10 fələstinli qida çatışmazlığı və aclıq səbəbilə həyatını itirib.

TodayPress TV xəbər verir ki, bu barədə Fələstin Səhiyyə Nazirliyi məlumat yayıb.

Müharibə başlayandan bəri Qəzza zolağında aclıqdan ölənlərin ümumi sayı isə 119-u uşaq olmaqla 313 nəfərə yüksəlib.

Qeyd edək ki, Birləşmiş Millətlər Təşkilatının (BMT) dəstəklədiyi İnteqrasiya Olunmuş Qida Təhlükəsizliyi Faza Təsnifatı (IPC) tərəfindən yayımlanan son hesabatda bildirilir ki, 2025-ci il avqustun 15-nə olan vəziyyətə əsasən, Qəzza şəhərində aclıq artıq 5-ci – yəni fəlakət səviyyəsindədir.

Hesabatda bildirilib ki, Qəzza zolağında yarım milyondan artıq insan aclıq, yoxsulluq və ölümlə müşayiət olunan fəlakət şəraitində yaşayır.

Qiymət Mahir