Polşa Ukraynadan korrupsiya qalmaqalı ilə bağlı izahat tələb etdi
Polşa Ukraynada baş vermiş korrupsiya qalmaqalı ilə bağlı Kiyevdən aydınlıq gətirilməsini istəyir.
TodayPress TV xəbər verir ki, bu barədə Polşanın milli müdafiə naziri Vladislav Kosinyak-Kamış açıqlama verib.
Onun sözlərinə görə, Ukraynada üzə çıxan korrupsiya halları “Qərbi Avropa üçün pis xəbərdir”.
"Bu, təhlükəsizlik sərhədi hazırda Rusiya-Ukrayna cəbhəsi boyunca uzanan Polşa və Qərbi Avropa üçün pis xəbərdir. Biz izahat gözləyirik. Bizim Ukraynaya dəstək strategiyamız dəyişməz olaraq qalır, çünki təhlükəsizlik məhdudiyyətlərimiz buradadır, lakin korrupsiya ilə mübarizə siyasətində şəffaflıq olmadan Avropa İttifaqına qoşulmaq mümkün deyil", - deyə müdafiə naziri bildirib.
Aysel Mətləb
