Pezeşkian Qızıl Aypara Cəmiyyətinə təşəkkür etdi
İran Prezidenti Məsud Pezeşkian Qızıl Aypara Cəmiyyətinə təşəkkür edib.
TodayPress TV xəbər verir ki, o bu barədə "X" sosial şəbəkə hesabında yazıb.
"Yerlərdə var gücü ilə çalışan və öz çevik hərəkətləri, cəsarəti, fədakarlığı ilə heyrətamiz iş görən Qırmızı Aypara humanitar təşkilatlarının fədakar könüllülərinə və əməkdaşlarına minnətdaram", - Pezeşkian qeyd edib.
O, ABŞ və İsrailin zərbələrinə məruz qalan ərazilərdə Qızıl Aypara Cəmiyyətinin axtarış-xilaetmə işlərini yüksək qiymətləndirib.
Xatırladaq ki, ABŞ və İsrail fevralın 28-də İrana qarşı hərbi əməliyyatlara başlayıb. Nəticədə İranın Ali rəhbəri Əli Xamenei və bir sıra yüksək vəzifəli şəxslər öldürülüb. Bundan sonra İran İsraillə yanaşı, ABŞ və müttəfiqlərinin hərbi bazalarının yerləşdiyi Səudiyyə Ərəbistanı, Qətər, Birləşmiş Ərəb Əmirlikləri, Oman, Bəhreyn, İraq, Küveyt və Kiprdə müəyyən etdiyi hədəflərə zərbələr endirməyə başlayıb.
