Nyu-Yorkda iki sərnişin təyyarəsi toqquşdu
ABŞ-nin Nyu-York şəhərində yerləşən LaGuardia hava limanında “United Airlines” aviaşirkətinə məxsus iki sərnişin təyyarəsi uçuş-enmə zolağında toqquşub.
TodayPress TV xəbər verir ki, bu barədə “Daily Mail” məlumat yayıb.
Sərnişinlərdən birinin sözlərinə görə, təyyarə hərəkət etdiyi zaman sərnişinlər yüngül sarsıntı hiss ediblər, lakin kapitan hadisəni elan edənədək bunun başqa təyyarə ilə toqquşma olduğunu bilməyiblər.
Hadisədən sonra hər iki təyyarə terminala qayıdıb. 328 sərnişin və 15 ekipaj üzvü arasında xəsarət alan olmayıb. Hazırda mütəxəssislər təyyarələrdən birinə dəyən ziyanı qiymətləndirir və mümkün texniki nasazlıqları araşdırırlar.
