Nijnekamskdə PUA hücumu: 12 nəfər öldü, 39 nəfər yaralandı – MATƏM ELAN EDİLDİ
Rusiyanın Tatarıstan Respublikasının Nijnekamsk şəhərində pilotsuz uçuş aparatlarının (PUA) hücumu nəticəsində 12 nəfər həlak olub, 39 nəfər yaralanıb.
TodayPress TV xəbər verir ki, Rusiya mediasına istinadən xəbər verir ki, bu barədə Tatarıstan rəhbərinin mətbuat xidməti məlumat yayıb.
Hadisə ilə əlaqədar Tatarıstan rəhbəri Rüstəm Minnixanovun qərarı ilə respublikada matəm elan edilib.
***
08:26
Rusiyanın Tatarıstan Respublikasının Nijnekamsk şəhərində PUA uçuşları və partlayış səsləri barədə məlumatlar yayılıb.
TodayPress TV xəbər verir ki, məlumata görə, hadisə bu səhər, avqustun 10-da baş verib.
Yerli sakinlər şəhər üzərində dronların uçduğunu və partlayış səsləri eşitdiklərini bildiriblər. Ukrayna monitorinq kanalları, o cümlədən "Supernova+" və digər mənbələr, PUA hücumunun Nijnekamskdakı neft emalı və neft-kimya müəssisələrindən birinə yönəldiyini iddia edir.
Nijnekamsk Rusiyanın mühüm neft emalı mərkəzlərindən biridir.
Türkan İsgəndərli
