Niderlandın suya meydan oxuyan mühəndislik möcüzəsi
Niderland, torpaqlarının böyük hissəsi dəniz səviyyəsindən aşağıda yerləşən bir ölkə olaraq, sağ qalmağı mühəndislik və innovasiya sayəsində mümkün edib.
TodayPress TV xəbər verir ki, ölkədə qurulmuş fırtına dalğa maneələri, bəndlər və geniş kanallar sistemi daimi su təhlükəsinə qarşı dayanıqlılıq təmin edir.
Belə ki, bu kompleks infrastruktur yalnız suyun idarə olunmasını təmin etmir, eyni zamanda ölkənin bütün bölgələrini təhlükəsiz saxlayır. Dəniz səviyyəsinin yüksəlməsi və iqlim dəyişikliklərinin yaratdığı təzyiqlərə baxmayaraq, Niderlandın su idarəetmə sistemi bütün regionlarda quru ərazilərin qorunmasını təmin edir və ölkənin mühəndislik bacarığının simvoluna çevrilib.
Ekspertlərin qənaətincə, Niderlandın təcrübəsi su təhlükəsi ilə üzləşən digər ölkələr üçün nümunə ola bilər. Bu sistemlər həm də ətraf mühitin qorunması və dayanıqlı şəhər inkişafı baxımından önəmli rol oynayır.
Jalə Rövşən
